आफ्नो छालाको कायाकल्पका लागि असाधारण सौन्दर्य उत्पादन वा उपचारहरू प्रयास गरिसकेपछि के तपाईं केहि नयाँ र सस्तो प्रयास गर्न तयार हुनुहुन्छ?
बढ्दो जागरूकतासंग, राम्रो देखिनमा खर्च गरिएको समय र पैसा सबैमा के तपाइँ सन्तुस्ट हुनुहुन्छ?
योगले यानी मेरो योग अभ्यासले भन्छ हामी बाहिरबाट राम्रो देखिनका लागि भित्रबाट त्यतिनै स्वस्थ र राम्रो हुन जरुरि छ। यसका लागि योग धेरै लाभदायक साबित भएको छ।
हामी मध्य धेरै जसो आफ्नो अनुहार राम्रो, चम्किलो र आकर्षित होस् भन्ने चाहन्छौ होइन त ?
हाम्रो अनुहारमा डण्डीफोर, चाया , पोतो तथा दाग जस्ता रोगहरुले अनुहारको आकर्षण बिगारेको हुन्छ। आवश्यकताभन्दा बढी घाममा अनुहार रहदा पनि अनुहारमा बिभिन्न समस्याहरु आउछन। राम्रोसंग सुत्न नपाउदा पनि अनुहार यानि छालामा समस्या आउन सक्छ र मुख्यतय तनाव वा अस्वस्थ जीवनशैलीको कारणले गर्दा समय अगावै अनुहारमा चाउरी पर्न सक्छ। केही महत्त्वपूर्ण खराब वानीहरु जस्तोकी धुम्रपान, रक्सी, लागूपदार्थको लत र अस्वस्थ खाना छनौटका कारण पनि अनुहार तथा छालामा समस्या आउने गर्छ। कहिलेकाही त अनुहार तथा छाला बिग्रियो भन्ने चिन्ताले अरु धेरै बिग्रेको हुन्छ जो हामीलाई थाहा नै हुदैन। त्यसैले अहिलेबाट नै चिन्ताबाट मुक्त भई हालौ। मुँहासे ( achne )अर्को सामान्य छाला समस्या हो। यो कहिलेकाहीँ शरीरमा हार्मोनल परिवर्तनहरूको कारण हुन सक्छ र अनुचित पाचन पनि मुँहासेको रूपमा देखा पर्दछ। कारण जेसुकै होस्, यी योग आसनहरूले तपाईंलाई चिल्लो, चम्किलो र आकर्षक छाला प्राप्त गर्न मद्दत गर्न सक्छ।
आज म तपाईहरुलाई मैले योग आसन अभ्यास गर्ने क्रममा मेरो अनुहार तथा छालामा सकारात्मक फाइदा पुराएका योग आसन कसरी गर्ने सेयर गर्न चाहन्छु। यी योग आसनहरूको अभ्यासले टाउको र अनुहारको क्षेत्रमा रक्तसञ्चार बढाउन मद्दत गर्नेछ, जसले अनुहारलाइ प्राकृतिक रूपमा आकर्षक र सुन्दर तथा छालालाइ आवश्यकता अनुसार टोन गर्नमा मद्दत गर्नेछ। शिर झुकाउने तथा टाउको तल गर्ने आसनले हाम्रो स्नायु प्रणालीलाई उत्तेजित गर्न सक्छ, मस्तिष्कमा अधिक अक्सिजन र रक्त प्रवाह ल्याउन सक्छ, हाम्रो चयापचय दर बढाउँछ, र हाम्रो ऊर्जा स्तरहरू बढाउँछ।
छाला चम्काउने योगासनहरु :
भुजंगासन (कोबरा पोज)
यो मुद्राले पछाडि र काँधहरूको कडापन तथा स्टिफ कठोरता कम गर्दछ। तपाईंलाई आराम दिन्छ र मुडलाई बढाउँछ भने छालालाई चिल्लो बनाउँछ।
मत्स्यासन (माछा मुद्रा)
यो आसनले गहिरो सास फेर्न सक्षम बनाउँछ, हार्मोनल असंतुलनलाई सामान्य बनाउँछ र मांसपेशीहरूलाई आराम दिन्छ। यसले छालालाई थप लचिलो र बलियो बनाउँछ।
सर्वांगासन (शोल्डर स्ट्यान्ड पोज)
यो आसनले टाउकोमा रगतको आपूर्ति गरी सुस्तता हटाउन मद्दत गर्छ। यसले मुँहासे र पिम्पलहरू निको पार्न पनि मद्दत गर्दछ
त्रिकोनासन (त्रिकोण मुद्रा)
यो आसनले तपाईको अनुहार र टाउकोमा रगतको प्रवाह बढाउँछ। अक्सिजन आपूर्तिको वृद्धि छालाको राम्रो गुणस्तरमा प्रकट हुन्छ।
शिशुआसन (बाल मुद्रा)
यो आसनले टाउकोको क्षेत्रमा रक्तसञ्चार बढाउँछ र तनाव र थकान कम गर्छ।
योग अभ्यासले शरीर र दिमागको विकास गर्न मद्दत गर्छ, तर यो औषधिको विकल्प होइन। प्रशिक्षित योग शिक्षकको पर्यवेक्षणमा योग सिक्न र अभ्यास गर्न आवश्यक छ। यदि कुनै पनि शारीरिक तथा मानसिक समस्या भएमा चिकित्सा तथा आफ्नो डाक्टर र योग शिक्षकसँग परामर्श गरेपछि मात्र योग अभ्यास गर्नुहोला ।
मेरो कार्यक्रमहरूको बारेमा थप जानकारी प्राप्त गर्न वा प्रतिक्रिया साझा गर्न मलाई [email protected] मा लेख्नुहोला।
भिडियोबाट हेर्नाकालागी यो लिङ्कमा किल्क गर्नुहोस: